16–18 iyun kunlari poytaxtimizda V Toshkent xalqaro investitsiya forumi (TIIF-2026) bo‘lib o‘tadi. Unda 100 ta mamlakatidan 8 300 nafardan ortiq delegat, 2 780 dan ziyod biznes yetakchilari, yirik investitsiya fondlari va nufuzli kompaniyalar vakillari qatnashadi. Ishtirokchilar tomonidan boshqarilayotgan aktivlar hajmi 42 trillion AQSH dollariga baholanmoqda.
Forumning asosiy mavzularidan biri kritik minerallar va yangi sanoat zanjirlariga bag'ishlanib, O‘zbekiston texnologik metallar kombinati (TMK) ushbu yo‘nalishda faol ishtirok etadi.
TIIF-2026 doirasida TMK:
- O‘zbekiston – AQSH biznes-forumi;
- Koreya Respublikasi – O‘zbekiston Respublikasi biznes-forumi;
- O‘zbekiston – Turkiya biznes-forumi;
- Xitoy va ShHT mamlakatlari investitsiya muloqotlarida yangi hamkorlik imkoniyatlari qatnashadi.
Bugungi kunda TMK volfram, molibden, reniy, grafit, selen, tellur kabi 25 dan ortiq turdagi kritik minerallarni qamrab olgan 100 dan ziyod loyihalarni amalga oshirib, O‘zbekistonni global muhim xomashyo bozorining yangi markazlaridan biriga aylantirmoqda.
TIIF-2026 davomida TMK xalqaro hamkorlar bilan quyidagi yo‘nalishlarda hamkorlikni rivojlantirishga tayyor:
✅ Kritik minerallarni geologik qidirish, o‘zlashtirish va chuqur qayta ishlash;
✅ Gidrometallurgiya va pirometallurgiya texnologiyalari;
✅ Yuqori qo‘shilgan qiymatli mahsulotlar va ilg‘or materiallar ishlab chiqarish;
✅ Ilmiy-tadqiqot ishlari, innovatsiyalar va texnologiyalar transferi;
✅ TMK R&D Parki va “Kelajak metallari texnoparki” doirasidagi qo‘shma loyihalar;
✅ ESG va yashil texnologiyalar tashabbuslari.
Agar siz kritik minerallar va kelajak sanoati bo‘yicha yangi imkoniyatlar izlayotgan bo‘lsangiz, TIIF-2026 davomida TMK bilan hamkorlikni boshlashga taklif etamiz.
