O‘zbekiston texnologik metallar kombinati (TMK) vakillari D.I. Mendeleyev nomidagi Rossiya kimyo-texnologiya universitetining Toshkent filialida bo'lib, ilm-fan, innovatsiyalar va yuqori malakali kadrlar tayyorlash bo'yicha hamkorlik masalalarini muhokama qildi.
Tomonlar quyidagi ustuvor yo‘nalishlarda hamkorlikni rivojlantirish imkoniyatlarini ko‘rib chiqdilar:
➡️ qo‘shma R&D loyihalarini amalga oshirish;
➡️ talabalar uchun ishlab chiqarish amaliyotlarini yo‘lga qo‘yish;
➡️ zamonaviy sanoat talablariga javob beradigan yuqori malakali mutaxassislarni tayyorlash va ularning amaliy ko‘nikmalarini rivojlantirish.
Uchrashuv yakunida tomonlar o‘zaro hamkorlikni yanada mustahkamlash, ilmiy salohiyatni amaliy ishlab chiqarish bilan uyg‘unlashtirish hamda innovatsion loyihalarni birgalikda amalga oshirish yuzasidan o‘zaro manfaatdor ekanliklarini bildirdilar.
