O‘zbekiston texnologik metallar kombinati (TMK) bosh ofisida xalqaro muhandislik kompaniyasi AGT Aqua Global Technology vakillari bilan uchrashuv bo‘lib o‘tdi.
Tomonlar uchrashuv davomida TMK ishlab chiqarish obyektlarida oqava suvlarni tozalash, suvni qayta ishlatish tizimlarini joriy etish, zamonaviy muhandislik yechimlari va maxsus kimyoviy reagentlardan foydalanish imkoniyatlarini muhokama qildilar.
Shuningdek, sanoat korxonalarida suv sarfini optimallashtirish, texnologik jarayonlarning ekologik xavfsizligini oshirish hamda xalqaro standartlarga mos samarali yechimlarni joriy etish bo‘yicha istiqbolli hamkorlik yo‘nalishlari ko‘rib chiqildi.
Ma'lumot uchun, "AGT Aqua Global Technology" xalqaro muhandislik kompaniyasi bo‘lib, sanoat, energetika, neft-gaz va kimyo tarmoqlari uchun kompleks yechimlarni taqdim etadi. Kompaniya O‘zbekiston bozorida Giotto Water (Italiya), Feno Water (Finlyandiya), Boitechwater (Jazoir) va Diamond Fort (Xitoy) kabi xalqaro brendlar bilan hamkorlik qilamoqda.
