O‘zbekiston texnologik metallar kombinati (TMK) bosh ofisida Ispaniyaning ekologik va sanoat xizmatlari sohasida faoliyat yurituvchi Dominion Circular Economy S.L. kompaniyasi vakillari bilan uchrashuv bo‘lib o‘tdi.
Muloqot davomida texnogen chiqindilarni qayta ishlash, sanoat chiqindilarini boshqarish, ESG yo‘nalishidagi zamonaviy yechimlar, rekultivatsiya, ekologik monitoring hamda barqaror sanoat texnologiyalarini joriy etish masalalari muhokama qilindi.
Tomonlar shuningdek, sanoatni dekarbonizatsiya qilish, yashil texnologiyalarni rivojlantirish, ekologik xavfsizlikni kuchaytirish hamda istiqbolli qo‘shma loyihalarni amalga oshirish yuzasidan ham fikr almashdilar.
Uchrashuv yakunida tomonlar ESG va barqaror sanoat rivoji yo‘nalishida o‘zaro manfaatli hamkorlik imkoniyatlarini ko‘rib chiqishga kelishib oldilar.
Ma'lumot uchun, Dominion Circular Economy S.L. ekologik xizmatlar, sanoat chiqindilarini boshqarish, rekultivatsiya va zamonaviy tozalash texnologiyalari yo‘nalishida 20 yildan ortiq tajribaga ega. Dominion Group bugungi kunda dunyoning 30 dan ortiq mamlakatlarida faoliyat yuritib, energetika, ekologiya, sanoat va raqamli transformatsiya sohalarida kompleks texnologik yechimlarni amalga oshirib kelmoqda.
