🌐 O‘zbekiston texnologik metallar kombinati (TMK) va AQSHning Metallica Commodities kompaniyasi o‘rtasida texnogen chiqindilardan qimmatli minerallar va metallarni ajratib olish bo‘yicha hamkorlik istiqbollari muhokama qilindi.
💼 Kompaniyaning Afrika bo‘yicha savdo va operatsiyalar boshqaruvchi direktori Adrian Bazilio bilan muzokaralarda Amerika tomonining texnogen chiqindilarni qayta ishlash texnologiyasidan TMK ishlab chiqarish chiqindilarida foydalanish imkoniyatlari ko‘rib chiqildi.
💠 TMK Kelajak metallari texnoparki hududida ushbu texnologiya asosida qo‘shma loyihalarni amalga oshirish tashabbusini ilgari surdi.
⚡️ Taklif AQSH kompaniyasida katta qiziqish uyg‘otdi. Xususan, nafaqat O‘zbekiston, balki butun Markaziy Osiyo mamlakatlarida mavjud texnogen chiqindilarni qayta ishlash imkoniyatlarini keng miqyosda o‘rganish istiqbollari muhokama qilindi.
🤝 Muzokaralar yakunida tomonlar loyihaning texnologik va amaliy imkoniyatlarini chuqur o‘rganish hamda uni amalga oshirish ustida birgalikda ishlashga kelishib oldi.
