O‘zbekistonning investitsion salohiyati va sanoat istiqbollarini dunyoga namoyish etgan Beshinchi Toshkent xalqaro investitsiya forumi 100 dan ortiq mamlakatdan 10 mingdan ziyod delegat va ishtirokchilarni birlashtirdi.
O‘zbekiston texnologik metallar kombinati (TMK) forumda yirik investitsion loyihalar portfeli, “Kelajak metallari texnoparki”, TMK R&D Parki hamda yuqori qo‘shilgan qiymatli mahsulotlari bilan faol ishtirok etdi.
Forum doirasida TMK sanoat kooperatsiyasi, investitsiyalar, moliyalashtirish, savdo, ilmiy-tadqiqot va texnologik hamkorlik yo‘nalishlarida xalqaro kompaniyalar va moliyaviy institutlar bilan 10 ga yaqin hamkorlik memorandumi va kelishuvlarini imzoladi.
Shuningdek, TMK jamoasi 80 ga yaqin xalqaro kompaniya va investorlar bilan muzokaralar o‘tkazib, yangi loyihalar va istiqbolli hamkorlik imkoniyatlarini muhokama qildi.
Forum davomida TMK vakillari O‘zbekiston–AQSh biznes forumi, O‘zbekiston–Koreya biznes forumi, O‘zbekiston–Germaniya siyosiy va iqtisodiy muloqotlari hamda 10 dan ortiq panel sessiyalarda faol ishtirok etdi.
Bugun TMK O‘zbekistonning kritik minerallar salohiyatini global imkoniyatlarga aylantirmoqda.
