Toshkent viloyati Ohangaron shahrida oʻtkazilayotgan “Milliy sanoat zanjiri” ko‘rgazmasining ikkinchi kuni ham O‘zbekiston texnologik metallar kombinati uchun muhim natijalar va yangi sanoat hamkorliklariga boy tarzda yakunlandi.
TMK stendi sanoat korxonalari, investorlar hamda biznes vakillarining e’tibor markazida boʻlib, kombinat tomonidan namoyish etilgan yuqori qo‘shilgan qiymatli mahsulotlar, zamonaviy texnologik yechimlar hamda “Kon–Metall–Bozor” tamoyiliga asoslangan integratsiyalashgan sanoat modeli ishtirokchilarda katta qiziqish uyg‘otdi.
Ko‘rgazma doirasida qator muzokaralar o‘tkazilib, sanoat kooperatsiyasi va tovar-xomashyo yo‘nalishlarida yangi hamkorlik aloqalari oʻrnatildi. Xususan, “EVRO PROM LIDER”, “Geksakon TC”, “Red Persimmon” MChJ, “TURON ABRASIVE”, “XCMG”, “Andijon mexanika zavodi” hamda boshqa bir qator sanoat korxonalari bilan hamkorlik memorandumlari va shartnomalar imzolandi.
Ushbu hamkorliklar mamlakatimizda sanoat kooperatsiyasini kengaytirish, mahalliylashtirish darajasini oshirish, ishlab chiqarish zanjirlarini mustahkamlash hamda yuqori texnologik mahsulotlar ishlab chiqarishni rivojlantirishda xizmat qiladi.
“Milliy sanoat zanjiri” ko‘rgazmasi ertaga ham o‘z ishini davom ettiradi. Sizni yangi hamkorlik imkoniyatlari va istiqbolli loyihalar bilan TMK stendida kutib qolamiz.
