Bugun dunyoda kritik minerallar deganda, asosiy e'tibor yangi konlar atrofida kechmoqda. Biroq kelajak faqat qazib olishda emas, balki mavjud resurslarni qayta tiklab, ularni yana ishlab chiqarish zanjiriga qaytarishdadir.
O‘zbekiston texnologik metallar kombinati (TMK) xodimi Ilyos Bozorov hammuallifligida ishlatib bo‘lingan WC–Co (volfram karbidi–kobalt) kesuvchi asboblardan yuqori tozalikdagi kobalt oksidini selektiv ajratib olish texnologiyasi ishlab chiqildi.
Tadqiqot natijalari Springer Nature platformasida chop etiladigan nufuzli xalqaro ilmiy nashrlardan biri, Scopus bazasida Q1 toifasiga kiruvchi "Journal of Sustainable Metallurgy" jurnalida e’lon qilindi.
Tadqiqot davomida:
- Kobaltni qayta tiklash darajasi 80 foizdan 97,3 foizga yetkazildi;
- 97,6 foiz tozalikdagi Co₃O₄ (kobalt oksidi) olindi;
-Texnologiya TMKda yarim sanoat miqyosida muvaffaqiyatli sinovdan o‘tkazildi;
-Qayta tiklangan kobalt yana WC–Co mahsulotlari ishlab chiqarish jarayoniga qaytarildi.
TMK kelajak metallari uchun barqaror yechimlar yaratishda davom etadi.
