_1785933406.jpg)
_1785933405.jpg)
Ayni paytda O‘zbekiston texnologik metallar kombinati (TMK) delegatsiyasi Xitoy Xalq Respublikasining Ganchjou shahrida bo‘lib o‘tayotgan "Strategik metallar bo‘yicha Ganchjou 2-xalqaro konferensiyasi va sanoat forumi – 2026"da ishtirok etmoqda.
Mazkur forum dunyoning turli mamlakatlaridan yetakchi ishlab chiqaruvchilar, qayta ishlovchi korxonalar, investorlar, savdo kompaniyalari, tahlilchilar va soha ekspertlarini bir joyga jamlagan.
Tadbir doirasida volfram, molibden, nodir yer elementlari, qalay, surma, nikel, kobalt va litiy bozorlarining bugungi holati, global talab va taklif dinamikasi, narxlar shakllanishi hamda yaqin yillardagi rivojlanish istiqbollari muhokama qilinmoqda.
Forumda TMK eksport salohiyati, istiqbolli investitsiya loyihalari hamda yuqori qo‘shilgan qiymatga ega mahsulotlar ishlab chiqarish yo‘nalishlari xalqaro hamjamiyatga taqdim etilmoqda.
Shuningdek, yetakchi sanoat kompaniyalari bilan B2B uchrashuvlar va ikki tomonlama muzokaralar o‘tkazilib, yangi biznes aloqalarini yo‘lga qo‘yish, texnologik hamkorlikni kengaytirish hamda eksport geografiyasini rivojlantirish bo‘yicha muzokaralar o'tkazilmoqda.
Forum doirasidagi uchrashuvlar, muzokaralar va erishilayotgan muhim natijalarni biz bilan kuzatib boring.
