AQShning nufuzli Cove Capital LLC kompaniyasi boshqaruvchi hamkori Pini Altxaus boshchiligidagi delegatsiya "O‘zbekiston texnologik metallar kombinati" AJda bo‘ldi.
Tashrif avvalida tomonlar o‘rtasida uchrashuv tashkil qilinib, unda O‘zTMK faoliyati va investitsiya loyihalari haqida muzokara o‘tkazildi.
Shundan so‘ng, delegatsiya vakillari O‘zTMK hamrohligida Tog‘-kon sanoati va geologiya vazirligida bo‘lib, vazir hamda vazirlik mas'ullari bilan O‘zbekistonda geologiya va tog‘-kon sanoatini rivojlantirishga qaratilgan islohotlar va investorlar uchun shart-sharoitlar haqida fikr almashdilar.
Shuningdek, Pini Altxaus Chirchiq shahridagi Nodir metallar va qattiq qotishmalar zavodiga ham tashrif buyurib, ilmiy-tadqiqotlar, qattiq qotishmalar ishlab chiqarish sehi va zamonaviy texnikalar ishlab chiqarish jarayonlari bilan yaqindan tanishdi.
Tashrif davom etmoqda, tafsilotlarni biz bilan kuzatib boring.
